Hər kəsi Gazelli Cafe-də böyük ekranda "Avroviziya 2012" mahnı müsabiqəsinin finalına baxmağa dəvət edirik. Gəlin birlikdə zövq alaq!!! Sizi 26 may 23:30-da gözləyirik. Sizi xoş ab-hava, gülərüz heyət, həmçinin yaxşı kompaniyada bəyəndiyiniz finalçıya azarkeşlik etmək şansı gözləyir. İlk üçlüyü müəyyənləşdirməyi bacaracaq qonağımızı Gazelli-dən qiymətli hədiyyələr gözləyir.

Avroviziya müsabiqəsinin final günü gözəl vaxt keçirmək və rahatlıqla ifaçıları dinləmək istəyirsiniz? Sizi Sky Bar-a dəvət edirik. Burada şəhərə və Crystal Hall-a açılan gözəl mənzərə, qayğıkeş və diqqətli personal, həmçinin ləzzətli yeməklər və içkilər! Bütün bunlar sizlər üçün!zəl vaxt ke

Populyar və sevilən ifaçı EMİN-in növbəti konserti 27 may Əl Oyunları Sarayında (Euro Club) keçiriləcək. Emin -bu, romantik musiqi, drayvdır. EMİN klassik rok-balladın kompüter texnologiyaları ilə birləşməsi əsasında yaranan Contemporary Rock Ballade (CRB) üslubunda çalışır.

Mayın 21-dən 27-ə qədər "Avroviziya 2012" müsabiqəsi ərəfəsində Qubernator bağında "Musiqi və xalq sənəti həftəsi" keçiriləcək. Sərgilər hər gün 11:00-dan 21:00-a qədər keçiriləcək. Sərgidə dekorativ-tətbiqi incəsənət nümunələri göstəriləcək. Konsertlər isə hər gün 18:00-da başlayacaq.

Mayın 18-dən 24-ə qədər "012 Baku Public Art" festivalı çərçivəsində Kiçik Qala qallereyasının yanında Nəzrin Məmmədovanın sərgisi keçiriləcək. Qeyd edək ki, rəssamın işləri "Art bazaar" gənc rəssamlar sərgisində artıq göstərilib.

Alman-Azərbaycan mədəniyyət cəmiyyəti "Kapelhaus"da Kristian Rosinger və Klaudiya Fiyerkenin konserti keçiriləcək. Tədbir 19:30-da başlayacaq.

9 iyun Heydər Əliyev adına Sarayda müğənni, bəstəkar, öz mahnılarının musiqisinin və bir çoxunun sözlərinin müəllifi Datonun konserti olacaq. Dato -gürcü müğənnisi, bəstəkar, multiinstrumentalist, həm Gürcüstan, həm də MDB ölkələrində şöhrət qazanmışdır. O, soul, disko, caz, reqqey, etnik musiqi ifa edir. Üç studiya albomu (I Want You to Want This, I Don’t Want to Hurt You, Sand Dream) çıxaran Dato Gürcüstanda  "İlin müğənnisi" adını qazanmışdır.

23 may 2012-ci il Heydər Əliyev adına Sarayda "BUTA" İncəsənət Mərkəzi çox maraqlı "Növrəsli 4" layihəsini təqdim edəcək. Layihə xüsusi olaraq "Avroviziya 2012" müsabiqəsi zamanı Azərbaycanın müasir mədəniyyətini şəhərimizin sakinlərinə və çoxsaylı qonaqlarına göstərmək üçün düşünülmüşdür.

"Eurovision 2012" mahnı müsabiqəsinin birinici yarımfinalı mayın 22-i olacaq. İlk yarımfinalda Çernoqoriya, Kipr, Danimarka, Finlandiya, Macarıstan, İrlandiya, İsrail, Moldova, islandiya, Yunanıstan, Latviya, Albaniya, Rumınya, İsveçrə, Belçika, Avstriya, Rusiya, San Marino. Xatırladaq ki, mahnı müsabiqəsi 22-26 may 2012-ci il Bakıda keçiriləcək.

Müasir Azərbaycan incəsənətinin inkişafı və təbliği ilə məşğul olan “YARAT!” qeyri-kommersiya təşkilatı birinci “012 Bakı Public Art” Festivalının açılışını sevinc hissi ilə elan edir. Bu Festival paytaxtımız Bakıda keçiriləcək və qədim şəhərin ictimai yerlərində yerləşdirilən bir sıra müasir incəsənət əsərlərini toplayacaq.

İbrus Teatrının səhnəsində "Tartyuf Ağayeviç" əsəri göstəriləcək. Tamaşa Jan Batist Müllerin "Tartyuf" əsərinin azərbaycan variantı əsasında səhnələşdirlib. Teatrın bədii rəhbəri -Rüstəm İbrahimbəyov.

Akademik Milli Dram Teatrında Eduardo de Filipponun "Kabuslar" əsəri əsasında Nicat Kazımovun quruluşunda hazırlanan eyniadlı tamaşanın premyerası olacaq. Özünün gənc arvadına vurğun olan romantik Paskuale bir sıra uğursuzluqlarla qarşılaşır -iş tapa bilmir, ucuz mənzillər kirayə götürür. Sonra isə demək olar ki, hədiyyə kimi böyük, qədim ev kirayə götürə bilir.